ಬೆಂಗಳೂರು: ರಾಬರ್ಟ್ ಚಲನ ಚಿತ್ರವನ್ನು ಕನ್ನಡ ಹಾಗೂ ತೆಲುಗು ಭಾಷೆಗಳಲ್ಲಿ ಏಕ ಕಾಲದಲ್ಲಿ ಬಿಡುಗಡೆಯಾಗಲು ತೆಲುಗು ಚಲನಚಿತ್ರ ಮಂಡಳಿ ಅವಕಾಶ ನೀಡದೆ ಇರುವುದರ ವಿರುದ್ಧ ಸ್ಯಾಂಡಲ್ ವುಡ್ ಸಮರ ಸಾರಿದೆ.
ಕನ್ನಡ ಚಲನ ಚಿತ್ರರಂಗದ ಖ್ಯಾತ ನಟ ದರ್ಶನ್ ಅಭಿನಯದ ರಾಬರ್ಟ್ ಚಲನ ಚಿತ್ರವು ಮಾರ್ಚ್ 11 ರಂದು ಸ್ಯಾಂಡಲ್ ವುಡ್ ಹಾಗೂ ಟಾಲಿವುಡ್ ನಲ್ಲಿ ಏಕ ಕಾಲದಲ್ಲಿ ಬಿಡುಗಡೆಗೆ ರಾಬರ್ಟ್ ಚಿತ್ರಚತಂಡ ಸಿದ್ದತೆ ಮಾಡಿಕೊಂಡಿದೆ.ಆದರೆ ಟಾಲಿವುಡ್ ಇದಕ್ಕೆ ಅವಕಾಶ ನೀಡಿಲ್ಲ. ಇದನ್ನು ರಾಬರ್ಟ್ ಚಿತ್ರ ತಂಡ ಹಾಗೂ ಕರ್ನಾಟಕ ಚಲನ ಚಿತ್ರ ವಾಣಿಜ್ಯ ಮಂಡಳಿ ವಿರೋಧಿಸಿದೆ. ದರ್ಶನ್ ಕೂಡ ಇದನ್ನು ಖಂಡಿಸಿದ್ದು, ಕರ್ನಾಟಕ ಚಲನ ಚಿತ್ರ ವಾಣಿಜ್ಯ ಮಂಡಳಿ ಪ್ರಧಾನ ಕಾರ್ಯದರ್ಶಿ ಎಂ ಎನ್ ಸುರೇಶ್ ಮತ್ತು ಅಧ್ಯಕ್ಷ ಸಾರ ಗೋವಿಂದ್ ಚನೈ ನಲ್ಲಿ ಸೌಥ್ ಇಂಡಿಯಾ ಚಲನ ಚಿತ್ರ ಮಂಡಳಿಗಳ ಸಾಮಾನ್ಯ ಸಭೆ ಇದ್ದು ಅಲ್ಲಿ ಇದನ್ನು ಪ್ರಸ್ತಾಪ ಮಾಡಿ ಸರಿಪಡಿಸಲಾಗುತ್ತದೆ ಎಂದರು. ಇದಕ್ಕೂಮುನ್ನ ಮಾತನಾಡಿರುವ ದರ್ಶನ್, ಟಾಲಿವುಡ್ ನಂತೆ ನಮ್ಮಲ್ಲಿಯೂ ಸ್ವಾಭಿಮಾನವನ್ನು ಬೆಳೆಸಿಕೊಳ್ಳಬೇಕು.ಸ್ವಾಭಿಮಾನ ಬೆಳೆಸಿಕೊಂಡರೆ ಇಂತಹ ಸನ್ನಿವೇಶ ಎದುರಾಗಲ್ಲ ಎಂದು ಬೇಸರ ವ್ಯಕ್ತಪಡಿಸಿದರು.
ಸಂಯುಕ್ತವಾಣಿ