ಮುರುಘಾ ಶರಣರು ನಿರ್ದೋಷಿ: ಪೋಕ್ಸೋ ಪ್ರಕರಣದ 1,2ಮತ್ತು3 ಆರೋಪಿಗಳ ಬಿಡುಗಡೆ
ಚಿತ್ರದುರ್ಗ,ನ26: ಮುರುಘಾ ಮಠದ ಮುರುಘಾ ಶರಣರು ಸೇರಿದಂತೆ ಇಬ್ಬರಿಗೆ ಇಂದು ಬಿಡುಗಡೆ ಭಾಗ್ಯ ದೊರೆತಿದ್ದು, ಪೋಕ್ಸೋ ಪ್ರಕರಣದಿಂದ ನಿರ್ದೋಷಿಯಾಗಿದ್ದಾರೆ.ಕಳೆದ ಮೂರು ವರ್ಷಗಳ ಹಿಂದೆ ಪೋಕ್ಸೊ ಪ್ರಕರಣದಲ್ಲಿ ಮುರುಘಾ ಶರಣರು, ಪರಮಶಿವಯ್ಯ ಹಾಗು ಹಾಸ್ಟೆಲ್ ವಾರ್ಡನ್ ರಶ್ಮಿ ಮೂರು ಜನರು ಸಿಲುಕಿದ್ದರು. ಮೂರು ವರ್ಷಗಳಿಂದ ನ್ಯಾಯಾಲಯದಲ್ಲಿ ಪ್ರಕರಣ ನಡೆದಿತ್ತು. ನಂತರ ಜಾಮೀನಿನ ಮೇಲೆ ಹೊರಗೆ ಬಂದ ಮುರುಘಾ ಶರಣರಿಗೆ ನ್ಯಾಯಾಲಯವು ಚಿತ್ರದುರ್ಗ ಜಿಲ್ಲೆಗೆ ಬರುವುದನ್ನು ನಿರ್ಬಂಧಿಸಿತ್ತು. ಅಂದಿನಿಂದ ಮುರುಘಾ ಶರಣರು ದಾವಣಗೆರೆ ಜಿಲ್ಲೆಯ ಶಿವಯೋಗಿ ಮಂದಿರದಲ್ಲಿ ವಾಸ್ತವ್ಯ ಹೂಡಿದ್ದರು. ಪ್ರಕರಣದ ವಿಚಾರಣೆಗೆ ಅಲ್ಲಿಂದಲೇ ನ್ಯಾಯಾಲಯಕ್ಕೆ ಹಾಜರಾಗುತ್ತಿದ್ದರು. ಎರಡೂ ಕಡೆಯ ವಾದ ಪ್ರತಿ ವಾದಗಳನ್ನು ಆಲಿಸಿದ್ದ 2ನೇ ಅಪರ ಮತ್ತು ಜಿಲ್ಲಾ ನ್ಯಾಯಾಯದ ನ್ಯಾಯಾಧೀಶರು, ಕಳೆದ 10 ರಂದು ಮುರುಘಾ ಶರಣರು ಮತ್ತು ಇಬ್ಬರಿಗೆ ಸಂಬಂಧಿಸಿದಂತೆ ತೀರ್ಪಿನ ಆದೇಶವನ್ನು ಬುಧವಾರಕ್ಕೆ ಮುಂದೂಡಿದ್ದರು. ಇಂದು ಬೆಳಗ್ಗೆಯೇ ತೀರ್ಪಿಗಾಗಿ ಕಾಯ್ದು ಆಗಮಿಸಿದ್ದ ಮುರುಘಾ ಶರಣರು, ಪರಮಶಿವಯ್ಯ ಹಾಗೂ ರಶ್ಮಿ ನ್ಯಾಯಾಧೀಶರ ಮುಂದೆ ಹಾಜರಾಗಿದ್ದು, ತೀರ್ಪನ್ನು ಮಧ್ಯಾಹ್ನ 3 ಕ್ಕೆ ಮುಂದೂಡಿದ್ದು, ಮೂರು ಗಂಟೆಗೆ ಮುರುಘಾ ಶರಣರು ಬಿಡುಗಡೆಯಾಗಿದ್ದಾರೆಂದು ಒಂದೇ ಪದದಲ್ಲಿ ನ್ಯಾಯಾಧೀಶರು ತೀರ್ಪನ್ನಿತ್ತರು. ಇದರಿಂದ ಮುರುಘಾ ಶರಣರು ಹಾಗೂ ಇತರೇ ಇಬ್ಬರ ಮೇಲಿದ್ದ ಒಂದೆನೆ ಪೋಕ್ಸೋ ಪ್ರಕರಣ ಖುಲಾಸೆಯಾಗಿದ್ದು, ಮುರುಘಾ ಶರಣರು ನಿರ್ದೋಷಿಯಾಗಿದ್ದಾರೆ.
ಸಂಭ್ರಮ: ಮುರುಘಾ ಶರಣರು ಬಿಡುಗಡೆ ಎಂದು ತೀರ್ಪು ಬರುತ್ತಿದ್ದಂತೆ ಹೊರಗೆ ಭಕ್ತರು ಹರ್ಷ ವ್ಯಕ್ತಪಡಿಸಿದರು. ಇತ್ತ ಪ್ರಕರಣ ನಡೆದಿದ್ದ ವಕೀಲರು ಹೊರಗೆ ತಮ್ಮ ಗೆಲುವನ್ನು ಸಂಭ್ರಮಿಸಿದರು.
ಮುರುಘಾ ಶ್ರೀಗಳ ಪರ ವಕೀಲರಾದ ಕೆವಿಕೆ ಪ್ರಸಾದ್ ಹೇಳಿಕೆ: ಪೋಕ್ಸೋ ಪ್ರಕರಣದಲ್ಲಿ ಮುರುಘಾ ಶ್ರೀಗಳು ನಿರ್ದೋಷಿ ಎಂದು ಚಿತ್ರದುರ್ಗ ನ್ಯಾಯಾಲಯ ತೀರ್ಪು ನೀಡಿದೆ. ನಿವೃತ್ತ ನ್ಯಾಯಾಧೀಶದರಾದ ವಸ್ತ್ರಮಠ್ ಹಿರಿಯ ವಕೀಲರಾದ ಸಿವಿ ನಾಗೇಶ್ ಮಾರ್ಗದರ್ಶನದಲ್ಲಿ ಹಾಗು ಬಸವಪ್ರಭು ಸ್ವಾಮೀಜಿಗಳು, ನೊಣವಿನಕೆರೆ ಅಜ್ಜಯ್ಯನ ಆಶೀರ್ವಾದದೊಂದಿಗೆ ಜಯವಾಗಿದೆ, ಮುಂದಿನ ಮೂರು ದಿನಗಳಲ್ಲಿ ಪತ್ರಿಕಾ ಗೋಷ್ಠಿ ನಡೆಸಿ ಮಾಹಿತಿ ನೀಡಲಾಗುವುದು. ದಾವಣಗೆರೆಯಲ್ಲಿ ಶಿವಯೋಗಿ ಆಶ್ರಮದಲ್ಲಿ ವಿಶೇಷ ಪೂಜೆಯನ್ನು ಏರ್ಪಡಿಸಲಾಗಿದೆ ಎಂದರು.
ಮುರುಘಾ ಮಠದ ಭಕ್ತ ಜಿತೇಂದ್ರ ಹೇಳಿಕೆ: ಇಂದು ಸತ್ಯಕ್ಕೆ ಜಯ ಸಿಕ್ಕಿದೆ ಮುರುಘೇಶನನ್ನು ನಂಬಿದ್ವಿ ಅದೇ ರೀತಿ ಮುರುಘಾ ಶರಣರನ್ನು ನಂಬಿದ್ವಿ,ಇದಕ್ಕಾಗಿ ಕೋರ್ಟ್ ಅವರನ್ನು ಮೊದಲನೇ ಪ್ರಕರಣದಲ್ಲಿ ಬಿಡುಗಡೆಗೊಳಿಸಿದೆ.ಯಾವುದೇ ಆರೋಪ ಬಂದರೂ ಬೇಕಾ ಬಿಟ್ಟಿಯಾಗಿ ಮಾತಾಡಬಾರದು. ತೀರ್ಪು ಏನು ಬರುತ್ತೆ ಎಂದು ಕಾಯಬೇಕು. ತೀರ್ಪು ಬಂದ ನಂತರ ಯಾರು ಏನೂ ಮಾತಾಡಿದರೂ ಯಾವುದೇ ಸಮಸ್ಯೆ ಇಲ್ಲ.ಮುರುಘಾ ಶರಣರಿಗೆ ಸತ್ಯಕ್ಕೆ ಜಯ ಸಿಕ್ಕಿದೆ.ಮುರುಘೇಶನ ಮೇಲಿನ ನಂಬಿಕೆ ಹೆಚ್ಚಾಗಿದ್ದು, ಮುರುಘಾ ಶರಣರ ಮೇಲಿನ ನಂಬಿಕೆ ದುಪ್ಪಟ್ಟಾಗಿದೆ.ಅಂದೂ ಹೇಳಿದ್ದೆ ಮುರುಘಾ ಶರಣರು ಗಂಗೆಯಷ್ಟೆ ಪವಿತ್ರವಾಗಿದ್ದಾರೆಂದು, ಮುಂದೆಯೂ ಇರುತ್ತಾರೆ. ಪವಿತ್ರವಾಗಿ ಹೊರಗೆ ಬಂದಿದ್ದಾರೆ. ಸಹಕಾರ ನೀಡಿದ ವಕೀಲರಿಗೆ ಬಸವಪ್ರಭು ಸ್ವಾಮಿಗಳಿಗೆ ಅನಂತ ಅನಂತ ಧನ್ಯವಾದಗಳನ್ನು ತಿಳಿಸಿದರು.
