ಅಕ್ರಮ ಗಾಂಜಾ ಮಾರಾಟ ಮೂರು ಜನರ ಬಂಧನ
ಚಳ್ಳಕೆರೆ ತಾಲೂಕಿನ ಪಾವಗಡ ರಸ್ತೆಯ ಎಸ್ ಆರ್ ಡಾಬಾದ ಬಳಿ ಅಕ್ರಮವಾಗಿ ಬೈಕ್ ನಲ್ಲಿ ಗಾಂಜಾ ವನ್ನು ಮಾರಾಟ ಮಾಡುತ್ತಿದ್ದ ಮೂವರನ್ನು ಚಳ್ಳಕೆರೆ ಪೋಲಿಸರು ಬಂಧಿಸಿದ್ದಾರೆ.
ಬೈಕ್ ನ ಮೇಲೆ ಚೀಲದಲ್ಲಿಟ್ಟುಕೊಂಡು ಮಾರಾಟ ಮಾಡಿ ಹಣ ಪಡೆದುಕೊಳ್ಳುತ್ತಿರುವುದರ ಖಚಿತ ಮಾಹಿತಿ ಮೇರೆಗೆ ವೃತ್ತ ನಿರೀಕ್ಷಕ ಉಮೇಶ್ ನೇತೃತ್ವದಲ್ಲಿ ದಾಳಿ ನಡೆಸಿ ಮೂವರನ್ನು ಬಂಧಿಸಿದ್ದು, ಅವರನ್ನು ವಿಚಾರಣೆ ಮಾಡಿದ್ದು, ಚಳ್ಳಕೆರೆಯ ಹರವಿಗೊಂಡನಹಳ್ಳಿಯ ಸುಲೇಮಾನ್, ಮಾರುತಿ, ಸಿಖಂದರ್ ಎಂದು ತಿಳಿದು ಬಂದಿದ್ದು, ಆರೋಪಿಗಳಿಂದ 1 ಕೆಜಿ 410 ಗ್ರಾಂ ತೂಕದ ಗಾಂಜಾ ವಶಪಡಿಸಿಕೊಂಡಿದ್ದು ಅವರನ್ನು ನ್ಯಾಯಾಂಗ ಬಂಧನಕ್ಕೆ ಕಳುಹಿಸಿಕೊಡಲಾಗಿದೆ. ಈ ಕಾರ್ಯವನ್ನು ಎಸ್ಪಿ ಪರುಶುರಾಂ ಶ್ಲಾಘಿಸಿದ್ದಾರೆ.
